மாதவராஜ் 

குழந்தைகள் அப்பா அம்மாவையும் குழந்தைகளாக்கி விடுகிறார்கள்!

பள்ளியில் படித்த முதல் பாடத்தை அவனது கண்கள் சொல்லிக்கொண்டு இருந்தன.

அந்த வீட்டில் நெருப்பை வைத்தான் ஒருவன்.   அடுத்த வீட்டில்தான் நெருப்பை வைத்தவன் இருக்கிறான் என அடுத்த வீட்டிற்கு நெருப்பை வைத்தான் அந்த வீட்டுக்காரன்.

அந்த நடிகருடைய படத்தின் போஸ்டர் நகரின் முக்கிய வீதியில் ஒட்டப்பட்டு இருந்தது. யாரையோ ஆவேசமாக கைகளை நீட்டி எச்சரித்துக் கொண்டு இருந்தவரின் கண்களை யாரோ பிடுங்கி இருந்தார்கள்.

“அக்கா, இந்தச் செடியை சிரிக்க வையேன்” “செடியை நீதான் அழ வைத்தாய். நீயே சிரிக்க வை.”