சாலை

பாம்புகள் அசையாதிருக்கும்

வெறும் தோலாய் மட்டும் 

குறுக்கே பாய்ந்த நாய்கள்

குடல் சிதறிக் கிடக்கும்

எதோவொரு வாகனம்

சிந்திச் சென்ற   

சில தானியங்களுக்காக

காடைகளும் மைனாக்களும்

இறக்கைகள் பிய்ந்து

எச்சம் போல ஒட்டியிருக்கும்

சிறகுகள் மட்டும் விரிந்திருக்க

சிலுவையில் அறையப்பட்ட ஏசுக்களாய்

ஓராயிரம் வண்ணத்துப் பூச்சிகள்

உற்றுப்பார்த்தால் தெரிகின்றன

சக்கரங்கள் உருண்டோடும்

இந்தச் சாலை வழியேதான்

காலத்தை நாம்

கடந்து கொண்டே இருக்கிறோம்!